Тәтті депиляция :))

Жуырда депиляцияның жаңа түрін таптым. Мүмкін, бұл тек мен үшін жаңалық шығар, алайда, айта кетейін. Шугаринг, яғни шекерлеу (қанттау деген онша естілмейді екен, иә? 🙂 ). Өзімді мега түкті деп айта алмайм, алайда, терімнің мүлдем түксіз, сәбидікіндей боланын қалаймын. Бұл үшін косметологқа баратынмын, кейін үйде воскпен өзім алып жүрдім, енді міне жаңа жол табылды. Мамам айтпақшы, нечего делать, біраааақ, осы процедурадан кейін терінің сондай жұмсақ, сондай тартымды болатынын көрсеңіз ғой. Бұл әдіс туралы неттен көрдім, содан оны түбегейлі қарастырдым, ал одан кейін өзімді басты подопытный қылып, эксперимент жасадым. Қатты ауырады деп ойладым. Бірақ, не менің терім үйреніп кеткен, не депиляцияның бұл түрі аз ауыртады.

Сонымен, кастрюлькаға 10 ас қасық қант, жарты лимон шырынын және 1 ас қасық су құйдым да, отқа қойдым. Ең бәсең деген отта болған жақсы екен. Қант еріді, кейін қоңырланып, қайнай бастады,  тағы 10 минут қайнаттым да, газды сөндірдім. Ақыры, жасалған тәтті карамель суыған соң, спиртпен теріні сүрттім де, шамалы карамель алып түктің өсу бағытына қарсы жақтым да, өсу бағытына қарай тартып қалдым. Бәрін жұлып алды :)))

Бұл бір жағынан арзан, екіншіден аллергия жоқ, ал үшіншіден теріге әсері аз, тек шаштарды ғана жұлады екен.